O ANO LITÚRXICO
Relixión
O ciclo litúrxico, tamén chamado ano litúrxico, é o calendario que seguen os cristiáns. Así como o calendario divide o ano en meses, o ciclo litúrxico divídeo en tempos litúrxicos. Estes tempos son: Advento, Nadal, Coresma, Semana Santa, Pascua e Tempo Ordinario.
En cada tempo litúrxico, a Igrexa celebra determinados acontecementos da vida de Xesucristo e da historia da salvación.
O ciclo litúrxico comeza o primeiro domingo de Advento e termina o último domingo do Tempo Ordinario, festa de Cristo Rei do Universo.
O centro do ciclo é a Pascua. Para os cristiáns, o domingo é o día de festa de cada semana.
ADVENTO
É un tempo para preparar a chegada de Xesús. Dura catro semanas.
O símbolo deste tempo é a coroa coas súas catro candeas. Cada candea representa unha semana. Cada domingo do tempo de Advento, na Eucaristía préndese unha candea desta coroa, ata que chega o Nadal. 
NADAL
Neste tempo litúrxico celébrase o nacemento de Xesús, o Fillo de Deus feito home para salvar a humanidade.
O tempo de nadal dura desde o 25 de decembro ata o primeiro domingo despois de Reis, no que se celebra a festa do bautismo de Xesús.
O símbolo deste tempo é o portal de Belén.
TEMPO ORDINARIO
Neste tempo recórdanse as palabras, os xestos e as ensinanzas de Xesús.
O Tempo Ordinario comprende dous períodos:
Este primeiro comprende os días seguintes ó domingo despois de Reis ata o día que comeza o Coresma.
CORESMA
É un tempo para preparar a Semana Santa e a chegada da Pascua.
Dura corenta días. Comeza o mércores de Cinza e termina o domingo de Ramos.
Os símbolos da Coresma son a imposición da cinza na fronte e a cor morada da casula do sacerdote.
SEMANA
SANTA
Neste tempo recórdase a paixón e a morte de Xesús. Comeza o luns seguinte ó domingo de Ramos e remata a véspera do domingo de Resurrección.
Os símbolos de Semana Santa son a cruz e o sagrario baleiro.
PASCUA
Neste tempo celébrase a resurrección de Xesús.
Dura cincuenta días. Comeza o domingo de Resurrección e termina o domingo de Pentecoste.
Os símbolos da Pascua son a cor branca da casula e o cirio pascual,como luz de Cristo Resucitado.
TEMPO ORDINARIO
Neste tempo recórdanse as palabras, os xestos e as ensinanzas de Xesús.
Este segundo período do Tempo Ordinario comprende:
Os días que van desde que termina Pentecoste ata que volve comezar o Advento.